(Philippine News Agency)

February 17, 2021

https://www.facebook.com/radyobanderailoilo/posts/116911930371798

Sesenta ka mga Ilonggo Overseas Filipino Workers (OFWs) nga nadulaan sang obra tungod sang pandemya nakabaton sang bulig halin sa Department of Labor and Employment (DOLE) kag Overseas Workers Welfare Administration (OWWA).

Ginpangunahan nanday Labor Secretary Silvestre Bello III, Budget Secretary Wendel Avisado, kag OWWA Administrator Leo Hans Cacdac ang pagpanghatag sang bulig.

Nakabaton ang 25 ka tawo sang financial assistance nga naga balor P5,000 tubtob P20,000 halin sa Balik Pinas, Balik Hanapbuhay nga proyekto nga nagabulig sa pag papauli sang mga OFWs.

Kinse naman ka estudyante ang nakabaton sang P10,000 sa idalom sang Educational Assistance through Scholarship in Emergencies (EASE) samtang 10 naman ka estudyante nga napilian sa Tabang OFW, ang nakabaton sang P30,000. Sila ang mga collegiate level dependents sang mga OFWs nga nadulaan ubra tungod sa pandemya.

May 10 man ka indibidwal nga nakabaton sang one-time financial aid nga naga balor P10,000 halin sa DOLE AKAP, nga probisyon sang Bayanihan to Heal as One Act.

As of Tuesday, ang OWWA naka bulig na sa pagpapauli sang 442,000 OFWs sa ila mga puluy-an sa bilog nga pungsod.